Pidato perpisahan / pidato bahasa jawa

Pepisahan Kelas Tiga

           

Nuwun, kula nuwun.

            Bapak kepala sekolah ingkang kula bekteni, ingkang kinurmatan Bapak/Ibu guru, saha kadang kula kelas tiga ingkang kula tresnani.

            Pujamiwah puji syukur tansah katur dhumateng Gusti ingkang Maha Agung, ingkang sampun paring kanugrahan, rahmat sarta hidayahipun dhumateng panjenengan sedaya dalasan kula.

Kadang kula kelas tiga ingkang kula tresnani sakedhap malih badhe nilaraken bangkuning pawiyatan SMP Negeri punika. Awrat sajatosipun kula minangka wakilipun kelas setunggal saha kelas kalih anggen kula ngaturaken panampi atur pepisahan saking kadang wredha kula kelas tiga. Awit raka kelas tiga ingkang sampun kula anggep sedherek piyambak.

            Sapunika badhe nilaraken pawiyatan punika. Nanging kados pundi malih kados ingkang sampun kaaturaken wakil kadang kelas tiga bilih wonten pepanggihan mesthi wonten pepisahan. Jer kula lan panjenengan sami naming manungsa limrah boten kuwawa nyelaki pepesthening Gusti ingkang Maha Agung.

            Kadang kula kelas tiga, karaosaken bingah dene panjenengan sampun kasil medal saking pawiyatan punika kanthi pikantuk surat tanda lulus. Saengga kula boten kuwawa nggondeli anggen panjenengan nglajengaken pasinaon ing pawiyatan madya utawi SLTA.

            Kadang kula kelas tiga, ingkang satuhu kula tresnani. Kula minangka wakil saking kelas kalih saha kelas setunggal, ngaturaken agenging panuwun denu raka kelas tiga sampun ikhlas paring pitedah saha bimbingan ing boten sakedhik paedahipun. Kula boten saged atur lelintu punapa-punapa namung atur pudya pudyastuti wonten ngersanipun pangeran mugi sadaya amal kasaenan panjenengan pikantuk lelintu ingkang samurwat saking Gusti ingkang Maha Agung.

            Kadang kula kelas tiga ingkang kula tresnani, kula tansah ngaturaken sewu-sewu gunging panuwun dene panjenengan kersa paring pitedah dhumateng kula sakanca. Boten langkung kulla naming saged memuji dhumateng raka kelas tiga, mugi-mugi ingkang anggadahi penggalih nglajengaken wonten ing pawiyatan madya sageda ketampi. Mugi-mugi sedaya kagungani penggalih kepinging nglajengaken wonten ing pawiyatan madya.

            Kula cekapi atur penampi pamitan punika menawi wonten kiranging atur, kaladuking wicanten, kula tansah nyuwun agunging samodra pangaksami.

            Nuwun.